tinel
/-èl/
ti|nel
[AF]
-
s.m.
stanzie plui elegante e di rapresentance de cjase, doprade par ricevi i ospits, par conversâ e v.i.:
Matie ju cognosseve ducj e al le incuintriur sot il puarti. "Ce vino di biel, fantats?" "O vin di fevelâ cun lui… Si puedial?…" "Po, no volêso!?" Matie ju puartà tal tinel (Pieri Menis, Sul agâr);
Rita e masanà il cafè e e implenà la napoletane di aghe, po e le tal tinel a cjoli lis cjicaris e i platuts (Carlo Sgorlon, Prime di sere)
Sin. sale
-
mobilie di cheste stanzie
-
s.m.
(fig.)
ancje tal pl., riunion, circul o ambient mondan:
iniziativis come chestis […] a funzionin masse dispès tant che paradane li che si plate une classe politiche che e samee simpri plui inmagade dai tinei di rivuart de borghesie udinese […] e des atmosferis radical chic (Fabian Ros, Lis trasmissions par furlan e lis tentazions radical chic)