Dizionari de Lenghe Furlane

tirâ in cjase    [CO]

1. loc.v. tirâ cdn. par che al jentri in cjase:  lu cjapà par une man come un frut e lu tirà in cjase (Gianni Gregoricchio, Trê feminis)
2. loc.v. cjapâ a vivi cun se in famee o te stesse cjase:  so pari, dopo muarte la femine le veve tirade in cjase [une fie restade vedue] par judâle a vivi e par jessi judât a coltâ i siei cjamps e chei che al veve in afit, che a mancjavin i braçs di lavôr par lâ indenant (Pieri Somede dai Marcs, La cjarande); i doi fruts a jerin restâts nûts e crûts, e di bon che une proagne ju veve tirâts in cjase sô (Gianni Gregoricchio, La clape)
   Sin. cjapâ in cjase , tirâsi in cjase
3. loc.v. fâ rivâ fin dentri in cjase une furnidure che e rive cuntune linie o cuntune condote, par esempli aghe, lûs, gas, telefon e v.i.:  Mafalde no veve ancjemò tirade in cjase la lûs eletriche, e e doprave ferâi a petroli (Carlo Sgorlon, Il dolfin)

Components:

• cjase s.f.
• tirâ v.tr., v.intr.