porton
/-òn/
por|ton
[AF]
-
s.m.
jentrade grande, in cjasis, palaçs e v.i.:
sui volts dai portons i fruts a picjin ghirlandis e festons di rosis (Pieri Somede dai Marcs, Corpus Domini);
e siarait che no mi scjampi / pal porton cualchi gjaline (Zaneto, No il diaul: l'è colpe il plevan)
Var. puarton
-
struture, in gjenar di len, metal, veri o altri, incancarade o fissade cun altris mecanisims, par podê sierâ o vierzi chê jentrade:
il palaç dai Torians al è ancjimò sierât, il porton nol vûl molâ […] si prove a sburtâ, si prove a sfonderâ cu lis manariis ma al è masse grues (Carlo Tolazzi, La salamandrie tal fûc);
al fo cjapât di une sorte di sudizion e nol olsà a lâ bati il porton là che e stave la viele (Renzo Balzan, Toler e la strie)
Proverbis:
- cuant che no si po jentrâ pal porton, si jentre pal portel
- grant il porton, grant ancje il batel
- la caritât a va fûr pal porton e e jentre pal barcon
- ogni porton il so batel
- sta sù boton fin che o soi fûr di chest porton
- su di un biel porton al pâr bon un biel batel