Dizionari de Lenghe Furlane

cort  /-ò-/  cort  [FO]

1. s.f. teren libar che al pues jessi doprât in comun des fameis di plui cjasis o che al è cjapât dentri des diviersis alis di un cjasâl:  cul lavorâ di bessôi, a son rivâts a meti in pîts un fabricât che al pâr un bombon, cu la sô biele cort, cul puarti par stâ a sotet cuant che al plûf (Josef Marchet, Lis predicjis dal muini); ogni cjase e veve un grant puarton viert a miezis, che al menave intune cort (Franca Mainardis, Grivôr)
   Sin. arie² , curtîl
   
   1. lis cjasis che a dan su chel teren e la int che e je a stâ li, ancje tant che microtoponim:  al si invià in place Sant Jacum a cjoli, dal pancôr, une bine di pan e po in cort Zacomel, li di siore Nore la purcitarie, un freghenin di ardiel di meti tal pan (Angelo Covazzi, Il miarli)
   2. viôt cort dal ledan :  chê robe fraide butile su la cort (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
2. s.f. [TS] stor. inte Ete di Mieç, il complès dai edificis e dai teritoris dulintor di un cjistiel e che al jere proprietât di un sovran feudâl
3. s.f. residence di un sovran:  il re al tornà a cjoli une altre regjine plui buine, e sô fie e so fradi a son restâts a cort feliçs e contents (Popolâr - Andreina Nicoloso Ciceri, La sentence de regjine - Racconti popolari friulani I)
   Sin. palaç
   
   1. il sovran e il so compagnatori:  za tal 1500 i vins dal Cuei a jerin une vore preseâts tes corts plui impuartantis de Europe (Luigina Di Giusto, Andrea Guaran, Mauro Pascolini, La culine furlane)
   2. il sovran e i siei ministris o conseîrs:  tor dal 1250 la cort dal re di France si trasforme in chel che al sarà il parlament, ven a stâi intune istituzion permanente destinade a deventâ un imprest potent di centralizazion (Fabian Ros, La invenzion dal stât)
4. s.f. (fig., ancje scherç.) int che e sta ator di une persone calcolade impuartante o plui carismatiche:  al jere stât metût in moto il segretari politic cun dute la sô cort e ducj i striaments (Pieri Somede dai Marcs, Lis votazions)
   Sin. compagnatori , circul
5. s.f. [CO, TS] dir. complès colegjâl cun funzions di jurisdizion
6. s.f. [CO, TS] dir. i magjistrâts riunîts in judizi:  e jentre la cort (Pieri Piçul, Vieri e gnûf); la Cort si ritirave in cjamare par decidi (Riedo Pup, La none in cuço e Cutolo assolt)
7. s.f. dimostrazion di devozion, afiet, interès che si slungje tal timp, in gjenar par rivâ a une relazion amorose, viôt fâ la cort

Polirematichis e espressions idiomatichis

• fâ la cort loc.v.

Proverbis:

• cui che al vîf in cort al mûr tal ospedâl
• sant Zorç si bute la cjalce fûr pe cort
• se al plûf il dì di sant Zorç, il cavalîr al va te cort
• se al tone il dì di sant Zorç, dutis lis coculis a van te cort