barcon
/-òn/
bar|con
[FO]
-
s.m.
viertidure tai mûrs difûr, pal solit cuntun telâr dulà che a son lastris di veri o altris materiâi trasparents:
in chê dì a buinore ducj i barcons, scûrs difûr e veris didentri, e jerin vierts, spalancâts, tant che l’aiar al jentrave cun dute libertât (Pieri Menis, La int);
e spalanca i veris e, metint il cjâf fûr dal barcon, la clamà (Pieri Somede dai Marcs, Une conference di padre Gemelli);
al sglavinave […] e dut ce che si podeve viodi cjalant fûr pai barcons al jere un nuie colôr di plomp (Agnul di Spere, Josefine)
Sin. fignestre
Var. balcon
Cfr. plane
, basse
, erte
, antîl
, soiâr
, scûr2
, bertuele
, pivot
, mantie
, suaze
, curnîs
, scurete
, veri
, vereade
, rame2
, lastre1
-
(fig.)
spazi libar, vueit:
i è colât un dint di lat, di chei devant, e i à lassât un barcon
-
s.m.
(fig.)
pont di osservazion, pussibilitât di viodi e cognossi:
ta cheste tiere a vivin altris comunitâts etnichis che nus vierzin un barcon sore la Europe (Adrian Cescje, Memoriis di politiche linguistiche)
-
atenzion o sezion specifiche dedicade a alc:
un tierç barcon dal festival al è chel che si vierç sul cine rus (Fabian Ros, Festival di Pesaro 50+1)
-
s.m.
spazi trasparent di ciertis bustis li che si pues lei sot la direzion
Sin. barconete
-
s.m.
(fig.)
tal lengaç gjornalistic o burocratic, dade di timp, cun riferiment in mût speciâl a cuant che un lavoradôr, che al à il dirit ae pension di anzianitât, al pues pardabon gjoldilu
-
s.m.
[CO, TS]
inform.
ogjet grafic che al comparìs tal schermi dulà che par solit si puedin davuelzi operazions autonomis rispiet al rest de visualizazion:
sierâ il barcon di dialic
Sin. barconete
-
s.m.
[TS]
tipogr.
spazi in evidence di forme plui o mancul cuadrade, pal solit delimitât di liniis
-
s.m.
[TS]
fis.
interval di frecuencis intun spetri
Polirematichis e espressions idiomatichis
Proverbis:
- al è miôr un tacon che no un barcon
- ancje i barcons a àn i veris
- il barcon al à i voi e la cise lis orelis
- il Signôr al siere une puarte e al vierç un barcon
- la caritât a va fûr pal porton e e jentre pal barcon
- la caritât e jes pe puarte e e torne pai barcons
- la mê scjale no rive ai tiei barcons
- la tô scjale no rive ai miei barcons