lastre1
las|tre
[AF]
-
s.f.
toc di materiâl o struture largje, sutile e plane:
il simitieri gnûf sul cuel di Plovit al jere plen di int, di rosis, di lumins impiâts tal dopomisdì malinconic e grîs… Done Catin, sô mari, e jere in pocje tiare, cuntune lastre di piere scrite, da cjâf (Dino Virgili, La aghe da pît la cleve);
jara una gnot di scûr di luna e il mâr jara lis comi una lastra di assâl (Ranieri Mario Cossâr, Gnot di Sant Silvestri)
-
s.f.
toc sutîl di veri o cristal lavorât in maniere di vê une forme regolâr, in gjenar retangolâr o cuadrade, che pal solit si monte tai telârs dai barcons:
une dì i aeroplans a bombardin […]. Dentri e cole la robe pal cjâf, si rompin lis lastris (Ivano Urli, Storie di Vera);
cuissà trop che e sta a rivâ da pît la lastre chê gote a pene poiade, sbrissade fûr di une man di ploie (Giuliana Pellegrini, Gotis)
Cfr. barcon
, ramade
-
toc di materiâl sutîl che al è tun telâr di barcon, ancje se nol è di veri:
al jere plui frêt te cjamare cu lis lastris di carton, che no abàs, in cjase o te stale (Riedo Pup, I furlans e i frutins)
-
s.f.
[TS]
fotogr.
supuart di veri cuviert di une emulsion sensibile, doprât une volte tant che negatîf
-
supuart fotografic trasparent cun inmagjin in positîf doprât par fâ proiezions:
cence voltâsi a viodi la proiezion e scjaldât tal discori come che al jere al disè: «Questo è l'Angelo della Annunciazione», e invezit al jere il diaul che al tentave Jesù tal desert. I fruts i vevin savoltât l'ordin des lastris (Pieri Somede dai Marcs, Sant Simon: 28 di Otubar 1917)
Cfr. diapositive
-
s.f.
imagjin su supuart semitrasparent che e risulte di une radiografie:
fatis lis lastris, al jere di restâ di stuc: un afâr taront al jere li ret, jenfri il stomi e la panze, un afâr che nissun saveve. Bisugnave vierzi par viodi. E cussì Milio al jere lât tal ospedâl (Alan Brusini, Gian Paolo Linda, Amîs come prime);
"Tu puedis ancje paiâ di bevi, vuê" "Parcè po, professôr?" "Parcè che o ai esaminât lis tôs ultimis lastris e o pues dîti cun sigurece che tu sês vuarît. " (Roberto Ongaro, Cretevierte)
-
s.f.
edit., tipogr.
matriç di plomp, di ram o di altri materiâl doprade par procediments di stereotipie, fotoincision e v.i.
-
s.f.
lamine di metal di spolert, stue o sim. che e ven scjaldade dal fûc e li che si pues cusinâ:
al jevave sù par lâ a zirâ la polente che e cisave su la lastre dal spolert (Alan Brusini, I forescj);
al pensà di sbassâsi, di tirâ fûr di sot di une casse une patate crude, e me consegnà. La man di Diu, par me! Le ai taiade a fetutis e rustide su la lastre de stue te barache (Pieri Menis, Il «miracul» di un ûf)
-
cuantitât di robe cuete intune volte su chê lamine:
o rivavin a cjase. In cjase, tal fogolâr cjalt, o cjatavin une scudiele di lat e une lastre di polente rustide (Meni Ucel, Messe a straoris)