veri
/-é-/
ve|ri
[FO]
-
s.m.
materiâl dûr fat fondint savalon cun carbonâts e ossits, par solit trasparent e fragjil, doprât une vore par robis di ûs comun:
a àn tirât vie une lastre di veri dal barcon (Checo Tam, Neapolis);
il veri, come che o vin imparât al cjapitul 10, al è un solit amorf (Stiefin Morat, Kebar krossè)
Var. vieri2
Cfr. cristal
-
s.m.
robe fate di chel materiâl, soredut recipient di chel materiâl, ancje in riferiment al so contignût:
la frute si jere imboreçade e e meteve lis manutis sul veri par cjapâlu e il pes, spaurît, al cirive di scjampâ e al bateve il music tal dûr (Maria Forte, La tiere di Lansing);
te lôr glesie no si cjate nancje tant di passi une surîs; dome cuatri cjandelîrs, cualchi veri di rosis e cualchi crist (Josef Marchet, Lis predicjis dal muini);
il talon si inçopedà suntune tace par tiere. Il veri al rodolà vie (Carlo Tolazzi, La salamandrie tal fûc);
sot dal ultin cop dal colm, a inmurarin un veri di aghe sante cun ramutis di ulîf infûr (Dino Virgili, La aghe da pît la cleve)
Cfr. butilie
, boce
, verie
, tace
-
butilie, spec. di alcolics, ancje in riferiment al contignût:
bêf un bussul, pare jù un altri, rionç cul cafè coret, pipe, nase, rît e cocode, sta di fat che in mieze ore al veve fat fûr mieç veri (Antoni Beline, Pre Pitin)
-
s.m.
lastre di chel materiâl doprade par barcons, puartis, cuadris e sim.:
daûr dal veri de vetrine al jere plen di fotografiis (Carlo Sgorlon, Prime di sere);
come fûr de realtât, al cjalave il lagrimâ de ploie e lis cumieris stuartis des gotis sul veri (Pieri Menis, Sul agâr);
o sai che ti plasin lis oris dolcis e celestis dal amont: […] cu la citât insom che si impie di sflandôrs ros ribatûts tai veris (Dino Virgili, Letare di Avost)
Sin. lastre1
, lastron
-
il barcon stes:
vierzêt i veris, che ca dentri al è masse cjalt (Giulio Andrea Pirona, Ercole Carletti, Giovanni Battista Corgnali, Il Nuovo Pirona);
"E je biel passade la ore di siarâ i scûrs" e disè sô mari a pene jentrade in cjamare, po e viarzè i veris, e tirà dongje i scûrs, e tornà a siarâ i veris (Jolanda Mazzon, Fûr di timp)
-
s.m.
toc rot di chel materiâl:
il mâl de feride lu fasè tornâ in se a cjalâsi incocalît il sanc che i spissulave de man, il licôr spandût sui bregons e i veris par tiare (Mario De Apollonia, Il timp par ledrôs);
si sentavin ator dal desc a rassâ cuntun veri un ritai di corean (Dino Virgili, La aghe da pît la cleve)
-
s.m.
(fig.)
in metaforis o comparazions, par dî alc che al à une carateristiche tipiche di chel materiâl, tant che il jessi slis, trasparent, fragjil:
mi visi a Nadâl, in chel an de glace. Al jere dut un veri fûr de puarte grande (Riedo Pup, Meni Elar);
une man gropolose si jevà viers l'amont distudât e si intaià sul veri dal cîl (Dino Virgili, La aghe da pît la cleve);
la zornade e jere clare come un veri (Carlo Sgorlon, Il dolfin);
chel strenzimi disperât al fo la rivelazion definitive de sô debilece, de sô anime di veri, che si cricave par nuie (Carlo Sgorlon, Il dolfin)
Proverbis:
- ancje i barcons a àn i veris
- cui che al à il cjâf di veri che si vuardi des clapadis
- cui che al è di veri che nol ledi fra lis clapadis
- soreli di veri e aiar di fressure a menin l'om in sepulture
