butilie
/-tì-/
bu|ti|lie
[AF]
-
s.f.
recipient di veri, plastiche o altri materiâl, pal plui di forme cilindriche e cul cuel strent e lunc, doprât par contignî licuits:
al tornà Ricardo cu la bire, corint come un gneur, e Eliseo al viarzè la butilie e al travasà di bevi (Carlo Sgorlon, Prime di sere);
un grumon di veris a tocs, a scaiis, a sclesis, a slambris… Butiliis cence cuel, o cence fonts, miezis tacis e tocs di damigjanis cul veri penç e scûr (Maria Forte, La fortune di Folope);
un esercit di butiliis di detersîf miezis plenis e miezis vueidis (Checo Tam, Sic transit gloria mundi)
Sin. boce
Var. butilgje
Cfr. veri
, ferâl
-
cuantitât di licuit, soredut di vin o altri alcolic, che e sta in chel contignidôr:
e glot che ti glot, une butilie e jere za lade jù pal gargat cence visâsi (Pieri Menis, Doi pizighets e un lari)