ferâl
fe|râl
[AF]
-
s.m.
dispositîf, che al pues jessi fis, di puartâ ator o di picjâ, formât di un telâr, pal solit di metal, cun lastris trasparentis che al ten dentri une lum o une lampadine:
siore Lise i mandave incuintri cualchidun di cjase, cul ferâl impiât (Maria Forte, Cjase di Dalban);
sul cjanton de casarme al vignive fûr il braç dal ferâl che, vie pe gnot, al iluminave la beorcje (Dino Virgili, La aghe da pît la cleve);
fûr si viodeve lis lûs dai ferâi che a lustravin il stradon jenfri doi cisons di pins scuasit neris (Amedeo Giacomini, Tal ospedâl)
Sin. lampion
, lanterne
Var. ferâr
-
s.m.
(fig.)
ce che al ilumine, che al da lûs, cognossince, vite e v.i.:
il canocjâl / che a mi àn prestât / al è il ferâl / da veretât (Pieri di Sant Denêl, Strolegheçs);
al è sflurît il Patriarcjât che par secui al è stât il ferâl de fede cristiane tal cûr de Europe (Redazion La Patrie dal Friûl, Il vescul di Rome nol ven a Nordest)
-
s.m.
cele insom dal tor, dulà che a stan lis cjampanis:
la «grande» e disgote i siei bots malinconics jù dal ferâl dal tor (Dino Virgili, Cjavut e alis);
pe scjalute di len carulide al va sul ferâl dal cjampanili (Pieri Somede dai Marcs, La ultime baronade)
-
s.m.
(fig., scherç.)
butilie di vin:
dopo il tiarç o cuart ferâl, a son deventâts ducj i trê pluitost suturnos (Osiride Secco dai Juris, Fusetis);
in cuant a vin, za no covente discori; a 'nd ere doi ferâi (Giovanni Gortani, Un gustâ diplomatic)
Sin. butilie
, veri
, boce
-
s.m.
(fig., scherç.)
persone une vore alte:
un ferâl di om (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
-
s.m.
[CO, TS]
med.
cundizion patologjiche li che un volt dal intestin, ancjemò dentri dal peritoneu, al finìs fûr de sô posizion naturâl e si sburte tal scrot
Sin. ernie scrotâl
, balon
, roture
, pilote2