roture
/-ù-/
ro|tu|re
[CO]
-
s.f.
(ancje fig.)
il rompi, il rompisi e il lôr risultât:
si à vude une roture de vascje di sbroc [dal reatôr nucleâr] (Alessandro Pascolini, Il disastri de centrâl nucleâr di Fukushima Dai-ichi)
Sin. scjavaçade
, rote1
, crevade
, crevadure
, rompidure
, rompiment
-
lesion li che un vues si divît in plui framents:
la muart e jere stade istantanie, par sfondrament dal crani e roture in plui ponts de colone vertebrâl (Laurin Zuan Nardin, Il cop)
Sin. frature
-
azion di rompi alc par robâ il contignût:
ma cheste gnot Tomâs lari famôs / a i à robât la dote cun roture (Pieri Çorut, Il Strolic furlan par l'an 1835)
-
s.f.
(fig.)
interuzion di un leam, di un rapuart, di une dinamiche e v.i.:
i prins dîs agns di Onde Furlane si sierin cussì, cuntun conflit e une roture (Max Mauro, Un Friûl difarent: i 90 mhz di Onde Furlane)
Sin. tai
, çoncjadure
-
par moviments culturâi e artistics, ribaltament dai valôrs, dinei di une tradizion:
cualchi pitôr dal prin ’900 al veve tentât alc di rinovament, di roture cu la vecje maniere (Bepi Agostinis, Storie de art in Friûl)
-
s.f.
(fig.)
il stufâsi, il pierdi la pazience e ce o cui che al stufe o che al fâs pierdi la pazience:
a mi fâs ancje plasê jodiju ogni tant, a mi emplin il cour di alegrie, ma par cinc minûts, no di pui, dopo… a son une roture (Fabiano Fantini, Claudio Moretti, Elvio Scruzzi, Garage 77)
Sin. rompiment
, secjadure
, stufe
-
s.f.
[TS]
med.
lesion di un tiessût contenitîf che e prodûs la jessude di un orghin o di une part di orghin, in particolâr dai budiei:
la gjandusse, la fistule, e il bugnon, / la piere, la roture, e lu balon (Ermes di Colorêt, I, 35)