Dizionari de Lenghe Furlane

rote¹  /-ò-/  ro|te  [CO]

1. s.f. azion di rompi:  prime la rote dal pat sindacâl e po dopo il risultât des votazions politichis dal 1948 a causionin ancjemò une volte il faliment dal tentatîf gjenerôs di riforme (Remo Cacitti, La ocasion pierdude)
   Sin. crevade , roture
2. s.f. cressite fisiche e psichiche imburide, soredut di une persone tal moment de pubertât:  i fruts a jerin cressûts. A vevin dât une rote in pôc timp (Maria Forte, Mabile la Lunghine)
   Sin. cressite
3. s.f. [TS] idrol. il rompisi, il cedi di un arzin di un flum intune montane:  la rote dal Taiament a Roncjis e fo dal '82 (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
4. s.f. [TS] milit. disfate che e fâs cedi dal dut un front:  la rote di Cjaurêt e lassà slacâ jù la sdrume dai mucs pes valadis furlanis (Roberto Ongaro, Il muc)

Polirematichis e espressions idiomatichis

• a rote di cuel loc.av., loc.adi.inv.
• lâ in rotis loc.v.