Dizionari de Lenghe Furlane

a rote di cuel    [CO]

1. loc.av., loc.adi.inv. (ancje iperb.) une vore svelt, tant di jessi a pericul di rompisi il cuel se si cole o si va a bati:  al jere ce cori a rote di cuel jù pal troi daûr de barache e po tornâ sù sfladassant (Riedo Pup, Chei di Martrent)
   Sin. a rotonon di cuel , a ruede lavade
2. loc.av., loc.adi.inv. cun grande fuarce, viamence, intensitât, bondance e v.i., ancje in alc che nol è un moviment svelt:  vuê si mangje a rote di cuel, di dut, dut l'an (Riedo Pup, I furlans e la pinitince); 2 milions di muarts inte vuere fra Iran e Irak, cu lis grandis potencis che, sot vie, a furnivin bombis a rote di cuel (Antoni Beline, Mari di muart, mari di vite)
   Sin. a sbreghe , a sbreghebalon , a otante , a rotonon di cuel , a plen , a pitinton

Components:

• cuel¹ s.m.
• rote¹ s.f.