lobie
/lò-/
lo|bi|e
[AF]
-
s.f.
intes cjasis contadinis o di campagne, costruzion di cuvierture poiade su colonis e spazi cuviert di chê costruzion là che si lassin, imprescj, machinaris e prodots e che si puedin fâ ciertis lavorazions cence stâ sot dal soreli o de ploie:
chel an de nêf, che si sdrumarin cul pês lindis e lobiis, che si sglovarin lis plui bielis plantis (Alan Brusini, Il coragjo de sclope);
tirât fûr de lobie il caretin, tacade la cjavale blancje […] il nodâr al partìs te gnot scure (Pieri Somede dai Marcs, Dure leç);
"Ven cun me, cumò. - e si invià tal ort. - Cjale, viodistu dutis chês rocjis di fasulârs? Po ben, tu ur netis vie i gredeis di intor e tu lis puartis dutis a sotet te lobie […]" (Roberto Ongaro, Il muc)
Cfr. arie2
, tieze
, tetoie
, lobeâl
-
tetoie par tignî paradis lis bestiis des caseris
-
tetoie di cualsisei edifici o cun cualsisei funzion:
li, sot la lobie di ghise de stazion, lis vevin saludadis cu la solite retoriche taliane: «Come intrepide donne di sacrosante terre che aspettano di essere redente» (Alan Brusini, Come tai romançs);
le veve viodude di dongje, pe prime volte, propit in Zardin Grant, sot de lobie dal autoscontro (Gianni Gregoricchio, Lilie)
Sin. tetoie
-
s.f.
struture architetoniche devant di un edifici, cuvierte parsore, vierte de bande di fûr e tignude sù di colonis o pilastris:
Di ca a faserin la glesie gnove e plui tart la lobie de Cjase di Comun (Dino Virgili, La aghe da pît la cleve)
Sin. loze1
, puarti
, sotpuarti
, lobeâl
, ludidôr
-
s.f.
(fig.)
grup di personis leadis di interès, ancje pôc onescj:
cualchi sfuei puar e stentât che i furlans plui sfegatâts, predis o borghês, a publichin incà e inlà, cence pôre, riscjant di contâ lis robis come che a son e cence rispiet par nissune lobie e nissune cubie (Riedo Pup, I furlans e i gjornâi)
Sin. cubie
, clape
, socie