zardin
/-ìn/
zar|din
[FO]
-
s.m.
teren, spec. sierât di cisis, mûrs o sim., tignût cun plantis di bielece e rosis, dongje di cjasis e palaçs:
dispès al lave a cjatâ so cusin Agnul che i vignive incuintri ridint, sot i pins dal so zardin (Maria Forte, Cjase di Dalban);
te sô cjase di fatôr cu la elare sul mûr, il ristiel di fier, un fregul di zardin, une bilisie, un decôr come li dai siôrs (Alan Brusini, Come tai romançs);
i siôrs a passavin lis lôr vacancis in culine là che a vevin cjistiei e coloniis cun vignâi e zardins, cun boscs e roiuçs (Riedo Pup, I furlans e lis feriis)
-
ancje tal pl., spazi vert public, ancje cun stradoncins, bancjutis, fontanis, zûcs e v.i.:
tes domeniis dopo si cjatarin ancjemò, al cine chest colp, e po in chês altris fiestis tai zardins, parentri fruts e viei, sioris e cjans (Alan Brusini, Il svindic di Rosute)
-
s.m.
(fig.)
lûc biel, siôr di vegjetazion e ordenât:
lis bassis del Friûl, cun chê vasta planura, cun tanta aga, cun chei prâts, cun chê supiarba vegjetazion, cun chei ucei che vi cjantin par ogni banda […], l'è inutil dî, se non si podarès cjolilis in fal cul paradîs del prin pari. In chist zardin de la natura jera duncja, di biel miezdì, una piçula barcjuta […] (Federigo Comelli, Il me paîs)