Dizionari de Lenghe Furlane

capitâ dongje    [CO]

1. loc.v. rivâ, in sens gjeneric o dongje di cui che al fevele o cuntun significât che si capìs dal contest:  intant che o fasevi la malte pai muridôrs, li, difûr de puarte, mi viôt a capitâ dongje il talian des tassis e doi finançots cu la sclope su la spale (Josef Marchet, Lis predicjis dal muini)
   Sin. rivâ dongje , vignî dongje
   
   1. rivâ a cjase:  chei di cjase no podevin plui sopuartâlu; al capitave dongje a dutis lis oris di gnot e al businave di bessôl lant sù e jù pe cjamare (Pieri Menis, Chei di Muraie)
2. loc.v. sucedi a cdn.:  o confessi: la slisse che mi è capitade dongje, o pues classificâle sataniche (Arturo Feruglio, Viaç a Vignesie)
   Sin. rivâ intor

Components:

• capitâ v.intr.
• dongje av., prep., adi.inv.