capitâ
ca|pi|tâ
[FO]
-
v.intr.
sucedi, vignî a jessi, soredut par câs:
mi è capitade une tâl che o pensi che nome la vuestre esperience e puedi judâmi a disberdeâle (Roberto Ongaro, Il muc);
cuant che si spere di podê cambiâ colôr aes zornadis… siôr no, al capite simpri alc a lambicânus (Maria Forte, Cjase di Dalban);
par vie dai dolôrs reumatics mi è capitât un cric te spale (Arturo Feruglio, Viaç a Vignesie);
se o molais cheste ocasion, cui sa mai se us int capitarà une altre (Josef Marchet, Lis predicjis dal muini);
a ducj al pues capitâ di sintîsi jù di cuarde (Guglielmo Pitzalis, Jù di cuarde. Ce fâ)
Sin. intravignî
, nassi
, verificâsi
, vignî
, sucedi
-
v.intr.
rivâ par câs:
o sin capitâts in place propit te dì dal marcjât;
capitâ tal mieç di une riunion;
capitâ in malis mans;
une sere mi capite in cjase un gno amì, un student plui a spas che a scuele (Alan Brusini, Amîs come prime)
Sin. capitâ dongje
, cjatâsi
, intivâsi a passâ
, rivâ dongje
, vignî
, vignî dongje
Polirematichis e espressions idiomatichis
Proverbis:
- ce che no si volarès al capite aduès
- cuant che si fevele dal lôf, al capite
- cuant che si nomene il diaul, al capite