sucedi
/-é-/
su|ce|di
[FO]
-
v.intr.
dome in tierce persone, vignî a jessi, acjadê, deventâ vêr, spec. cence volontât di cdn.:
dutis chestis cjossis che sucedevin intor di lui, lu jemplavin di ligrie (Zuan Lurinçon, La Madalene);
te mê fede che o crôt, co al sucêt alc che al fasi tornâ buine la int, e po sei dome la vôs di Diu che e fevele (Dino Virgili, La aghe da pît la cleve);
o torni a cjase mê, che al sucedi ce che al vûl sucedi! (Gianni Gregoricchio, Trê feminis);
in chê volte al jere di carnevâl, e di carnevâl in Svuizare al pues sucedi propite di dut (Agnul di Spere, La scjate rosse);
«Ce dai diambar sucedial? Cui isal?» (Meni Ucel, La ombrene)
Sin. acjadê
, colâ1
, jessi1
, deventâ
, intravignî
, nassi
, tocjâ
, capitâ
-
v.intr.
[BF]
jessi sucessôr, vignî dopo intune sucession, intune serie:
jo scuviarzi il so anim in preda a doi grancj afans. L'un l'è di viodisi diventâ vieli […]; l'altri di no avê un fi che suzedès al so nom e a lis sôs ricjezis (Zuan Luîs Filli, Il diau sul Studeniz);
nol è che une gjenerazion e sucedi a di chê altre, ma fra une gjenerazion e chê altre si cambie ete, si cambie epoche (Francesc Placerean, Cemût tirâ sù i fîs in cheste ete)
Sin. vignî dopo
, vignî daspò
, cigni daûr
, cjapâ il puest