in bande
[FO]
-
loc.av.
in posizion laterâl, in gjenar dongje:
dopo messe si leve te birarie dal convent, li in bande su la place (Pieri Menis, Il burlaç);
une puarte di face e da su la strade e une in bande sul curtîl (Pieri Somede dai Marcs, Gnot di Nadâl)
Sin. di bande
-
in direzion laterâl:
al fevelave, cjalant un pôc in bande, tal zardin (Agnul di Spere, Un sorbet di limon);
Miôl al fasè un salt in bande tant che un puieri spaurît (Riedo Pup, Gran Dio benedite l'Italia)
-
loc.av.
par so cont, dividût di un altri element o di altris elements:
Degasperi al à butât fûr i liberâi, anzit a son lâts fûr di bessôi. A son lâts fûr parcè che a san di podê intrigâlu ancjemò plui, stant in bande, che no di dentri (Josef Marchet, La scrassigne);
al mangjave in bande, bessôl, e dopo di ducj (Dino Virgili, La aghe da pît la cleve)
Sin. di bande
-
loc.av.
in posizion secondarie:
al voleve jessi util in alc ancje lui e i leve al cûr a viodisi lassât in bande (Antoni Beline, Pre Pitin)
Sin. di bande
-
loc.av., loc.adi.inv.
in riferiment a bêçs, materiâi, bens e v.i., tignûts di cont, tignûts par podêju doprâ cuant che a coventin:
"Cjalait mo: alc o vin in bande, un cuatri centesims.. Nô o varessin pensât, se no us displâs… o varessin pensât di fabricâ gnûf…" (Dino Virgili, La aghe da pît la cleve)
Sin. di bande
Components:
