Dizionari de Lenghe Furlane

menâ dongje    [CO]

1. loc.v. tal sens leterâl, fâ vignî dongje, puartâ insiemi tal stes puest:  al è stât menât dongje un grum di materiâl; lis fondis a son bielzà fatis; passade la colme dai lavôrs, i fantats si metaran a tirâ sù i mûrs (Josef Marchet, Lis predicjis dal muini)
   
   1. (ancje fig.) fâ vê, fâ rivâ, ancje fâ sucedi tant che consecuence:  il sanc di dut il mont cristian si inglaçave pe sbigule che la muart de grande Aquilee e menave dongje (Josef Cjargnel, Atile a Aquilee)
2. loc.v. maridâsi cun cdn.:  al veve menade dongje une femine foreste (Dino Virgili, La aghe da pît la cleve); al veve menade dongje la femine za… indenant (Riedo Pup, Il prin moto)
   
   1. puartâ cdn. a vivi in cjase ancje cence maridâsi:  «Jo i meni dongja la Vana uchì da nô.» Jê a molà il grim: «Dîtu dabon?» «I la meni dongja.» A i pareva da stracapî: «Tu mo, fantat! Ce mai si impensitu? Signour benedet Idiu!… Idiu mo!» (Novella Cantarutti, Torero)
3. loc.v. puartâ a vivi in cjase cence che e sedi une relazion sentimentâl, par lavôr o par colaborazion o par altris resons:  al veve menade dongje Deline, li, come massarie (Dino Virgili, La massarie)
4. loc.v. invidâ a cjase cdn., cence che si fermi a vivi:  la siuria un pôc strafata che Costantin al menava dongja a na veva nissun cefâ cu li compagniis ghiardi che a zevin par cjasa in timp dal vecju (Novella Cantarutti, Il spiçot)

Components:

• dongje av., prep., adi.inv.
• menâ v.tr., v.intr.