mostrâsi
mos|trâ|si
[AF]
-
v.pron.tr.
fâ viodi cun reciprocitât:
blestemonis di sgrisulâsi, peraulatis di no dî, e un mostrâsi i pugns, che se nol jere il jet a separâju si saressin pestâts (Pieri Somede dai Marcs, Il ledrôs de vite)
-
v.pron.intr.
fâ in mût di jessi viodût:
Lise intant e à sintût dut chel smeneç e si è mostrade sul barcon: "Ce isal, popà?" (Roberto Ongaro, Il muc)
Sin. fâsi viodi
, pandisi
, presentâsi
-
v.pron.intr.
fâ in mût di jessi cjalât, amirât e v.i.:
la rosute viodint il crot, dute contente di mostrâsi, e disè […] (Miriam Pupini, La rosute)
Sin. fâsi viodi
, metisi in mostre
-
v.pron.intr.
jessi in cundizion di jessi viodût, ancje cence une azion o une intenzion:
a Casere Pâl Grant, barachis e barachins, restâts tant timp sepulîts sot de coltre blancje, si mostravin tal soreli (Pieri Menis, La glesiute dai alpins)
Sin. cucâ fûr
, imparêsi
, presentâsi
, saltâ fûr
, intaiâsi
-
v.pron.intr.
dâ manifestazion, sclete o simulade, di une proprie carateristiche, nature, atitudin, idee e v.i.:
cumò si mostrave par chel che al jere, ven a stâi un vieli cence plui fuarce e cence plui comant (Gianni Gregoricchio, Trê feminis);
lui però, si mostrave rispietôs, ma sostignût tal stes timp (Maria Forte, Cjase di Dalban);
o sin duncje simpri di bessôi a scombati cuintri di chei che a son contraris e lu disìn clâr, e cuintri di chei che a cirin di mostrâsi a favôr nome par dâle ad intindi al solit dordel (Josef Marchet, Devantdaûr)
Sin. manifestâsi
, pandisi
, risultâ
, palesâsi
-
fâ savê une proprie idee, opinion, posizion e v.i.:
il patriarcje Luduì di Teck al si mostrave contrari a cualunche intese e al cirive di fâsi judâ dal imperadôr a tornâ paron dal Friûl (Josef Marchet, Cuintristorie dal Friûl fin sot la Italie)
Sin. jessi1
Proverbis:
- i bêçs dai vilans e i coions dai cjans a son i prins a mostrâsi