presentâsi
pre|sen|tâ|si
[AF]
-
v.pron.intr.
di cdn., lâ in persone denant cdn., in particolâr denant di une autoritât, tun ufici o sim.:
ai cinc di Avost dal '67 e rivà la cjarte […], dulà che il Tribunâl provinciâl di Udin al ordenave di presentâsi ai 28 di chest al dibatiment dal procès (Dino Virgili, La aghe da pît la cleve);
al jes in bote, al sta vie une dadute, po al torne a presentâsi là di siôr Toni (Giovanni Gortani, Il viaç di Vidisson);
la cuesture lu cirive parcè che al jere sparît, sence presentâsi a firmâ il libri dai "sorvegliati speciali" (Gianni Gregoricchio, Îr e doman)
Sin. comparêsi
, fâsi viodi
, vignî al viers
, vignî dongje
, comparî
-
v.pron.intr.
rivâ, fâsi viodi:
si presente a levant un nûl pelôs / che al tapone il soreli tel jevâ, / po daurman saltin fûr nûi di chei pôcs (Pieri Çorut, Si presente a levant un nûl pelôs)
Sin. rivâ
, capitâ
, vignî fûr
, vignî dongje
, vignî al viers
, imparêsi
-
sucedi:
"Si presente ben la ocasion…" (Bepo Marion, La morose di Carlo)
-
fâsi viodi intune cierte maniere:
si platà daûr la puarte par no presentâsi in chel stât a sô mari (Luigi Gortani, La fie e la fiastre)
-
cjapâ o vê une cierte forme, un ciert aspiet:
«O fevelavi cu la tô parone chi», i rispuint lui, «dal ce mâl che si presente la campagne chest an» (Meni Ucel, Pensâ mâl)
-
mostrâ ciertis carateristichis che a fasin fâ previsions o deduzions:
i bataions a restarin disorientâts. La marcje disore Resiute si presentave balarine (Riedo Pup, Gran Dio benedite l'Italia);
biele sposine, tu pûs stâ contente: / sul passât no tu devis plui pensâ, / il futûr plen di rosis si presente (Pieri Çorut, Par lis gnocis Felissent-Turian)
-
v.pron.intr.
cuant che si cognossisi pe prime volte, dî ognidun il so non, e in câs ancje titui o funzions, par fâju savê a chei altris:
"[…] Che e lassi intant che mi presenti! … (Cuntun inchin). Pieri Çorut, poete […]" (Arturo Feruglio, In cîl e je une stele!…)
-
v.pron.intr.
metisi intune liste di candidâts par sei elet:
cheste volte i regjonaliscj a varessin stabilît di presentâsi in competizion cuntune liste par cont lôr (Josef Marchet, O zuìn ancje nô)
Sin. concori
, listâsi
, partecipâ
, candidâsi