concori
/-còr-/
con|co|ri
[CO]
-
v.intr.
[BF]
di plui personis o elements, lâ tal stes puest:
in chê zornadis di marcjât, o altris ocasions, dulà che concor una cuantitât di popul, si radoplerà la atenzion, e la int, no si lassarà passâ pa lis puartis (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
-
v.intr.
(ancje fig.)
partecipâ a di un concors, a di une gare, a di une competizion e v.i.:
jo o vevi mandât [a un premi di scriture] lis mês impressions dal prin dì di vuere e o jeri stât sielt fra i trê miôrs che a vevin concorût (Pieri Menis, Cemût che o soi restât caporâl)
Sin. cori
, partecipâ
, vê part
-
v.intr.
vê part insiemi cun altris intune iniziative o intune ativitât, soredut judant a rivâ a un obietîf comun:
il Cjapitul al à fate sentenzie che lis Vilis di Sant Zorç e di Noiâr no son tignudis gran a concori aes spesis pai lavôrs de Plêf (Alviero Negro, Strumîrs e Çambarlans)
-
ancje cun subiet inanimât o imateriâl:
des cuatri categoriis indicadis di Stalin che a varessin di concori a individuâ une nazion, la lenghe, la culture, il teritori e la unificazion economiche, o disevi che la lenghe plui di chei altris e podeve sei il fatôr decisîf par individuâle (Adrian Cescje, Memoriis di politiche linguistiche)