comparî
com|pa|rî
[FO]
-
v.intr.
fâsi viodi:
e fevelave cun lôr e un lamp di inteligjence al comparive tai siei voi (Pieri Somede dai Marcs, Nardon e Vigjute di Nani);
ducj i grancj ministris e i grancj sorestants che a fasin a gare par comparî te trasmission (Riedo Pup, Tal non di Raffaella afârs e guviars)
Sin. aparî
, fâsi viodi
, mostrâsi
, presentâsi
, saltâ fûr
, imparêsi
, vignî fûr
-
vignî, rivâ, massime cence jessi spietât:
dôs voltis (1422 - 1431) al comparì in Friûl cun cualchi miâr di mercenaris ongjarês, cjapant Manzan, Rosacis, Scluse e rivant fin sot Udin (Josef Marchet, Cuintristorie dal Friûl fin sot la Italie)
Sin. vignî
, rivâ
, imparêsi
, aparî
-
scomençâ a jessi:
Homo ergaster, la prime specie "dal dut" umane, e comparì in Afriche cirche 1,6 milions di agns indaûr (Claudio Tuniz, Evoluzion umane: la sience e mostre i segrets des nestris origjins);
il Rinassiment al rapresente un pont di riferiment fondamentâl, une vere rivoluzion pe interpretazion de realtât e pal comparî di une gnove vision dal mont (Fabian Ros, La invenzion dal stât)
Sin. nassi
, aparî
-
v.intr.
vignî fûr, vignî dongje o ancje tacâ a esisti in maniere sorenaturâl:
la strie e bute par tiere un pietin e devant dai zovins al comparìs un grant bosc plen di plantis di baraçs (Andreina Nicoloso Ciceri, Blancje come la nêf - Racconti popolari friulani I);
a un ciert pont une grande lûs e comparì intal cîl e si sbassà a cualchi metri parsore di lui e dal so cjaval. La bestie, spaventantsi pal miracul, e butà jù intal polvar il so paron (Checo Tam, Conversions);
e pûr ogni sere la ombre de femine e comparive là, da cjâf dal fûc, simpri a di chê ore, a suiâsi (Riedo Pup, Caposassi)
Sin. vignî fûr
, saltâ fûr
, aparî
-
v.intr.
vê un ciert aspiet:
ducj a jerin cu la monture compagne e, pe prime volte te sô vite, li, lui nol comparive come il plui misar (Roberto Ongaro, Il muc);
lis pichis des monts a comparivin colôr rose sul neri dal bosc (Alan Brusini, Gian Paolo Linda, I forescj)
Sin. aparî
, imparêsi
, parê1
-
stâ ben di aspiet:
a jê i pareve che chel vistît al comparive ben ancjemò, …che al faseve la sô figure (Maria Forte, La tiere di Lansing)
Sin. parê bon
, fâ biele mostre
-
fâsi notâ o fâ biele figure pal aspiet, pe forme, pe maniere di fâ:
false e zentîl, e fevelave fintremai par talian par comparî, cuant che al jere cualchi forest (Roberto Ongaro, Il muc);
cumò Talico al stave lis miezis zornadis tal mezât a contizâ sui regjistris de aministrazion par che i conts a tornassin par cuant che e veve di vignî la rese di cont cui nevôts dal paron che a vevin ereditât dut: lui i tignive a comparî il galantom (Dino Virgili, La aghe da pît la cleve);
Casanova al vîf di comparî e al à simpri di mostrâsi plui siôr di ce che al è (Pierluigi Visintin, Friûl e furlans te Histoire de ma vie di Giacomo Casanova)
Sin. imparêsi
, parê bon
-
v.intr.
jessi visibil, jessi publicât:
intant che sui mûrs de Furlanie a comparissin i manifescj dai sindics par convocâ il "cuarp eletorâl" a sielzisi i gnûfs aministradôrs comunâi e provinciâi, sui sfueis e comparìs ancjemò une liste di delibaris fatis dai conseis spirants e aprovadis de prefeture (Josef Marchet, No sin contents!);
tal 1968 e comparì une storie de leterature furlane a pontadis di Brun Damian, che si davuelzeve in lenghe taliane e e presentave elements leteraris in lenghe furlane (Adrian Cescje, Memoriis di politiche linguistiche)
Sin. vignî fûr
-
v.intr.
jessi presint, fâ part di alc, jessi dentri:
e comparìs tal prin numar di Risultive, la scritore Novella Cantarutti (Cristina Cescutti, Leterature furlane);
il Pastôr di Erme al è un dai tescj plui antîcs de tradizion cristiane […] par tant timp al comparìs tra lis listis dai tescj canonics (Christian Romanin, Il valôr di Aquilee al è vuê, te cussience di une identitât)
Sin. cjatâsi
, saltâ fûr
, vignî fûr
-
v.intr.
[TS]
dir.
presentâsi denant de autoritât judiziarie:
dâ ordin di comparî in tribunâl tant che testemoni
Sin. presentâsi
, lâ
Proverbis:
- se la done a vûl comparî, la crodie dal cjâf e devi dulî