Dizionari de Lenghe Furlane

aparî  a|pa|rî  [CO]

1. v.intr. fâsi viodi, ancje pal fat che si svicinisi o che si nas o che si tache a jessi:  chê lune benedete intun moment / ilumine la tiare e il firmament. / Cjale cemût che al so aparî lis stelis / fasin di dut par someâ plui bielis (Pieri Çorut, La gnot di Avrîl); a fâ lustri al vecju An, al era aparît encja un fîl di luna (Nelso Tracanelli, La partensa dal '89)
   Sin. comparî , fâsi viodi , mostrâsi , presentâsi , saltâ fûr , imparêsi , vignî fûr
   
   1. vignî, rivâ, massime cence jessi spietât:  e stavin a cjalâ cul nâs parsore da muraie cuant che aparivin nô su la place (Zuan Morsan, Zovin di Lune)
      Sin. vignî , rivâ , imparêsi , comparî
   2. scomençâ a jessi:  il capitalisim madûr sí lu viodarà aparî, sot forme di mercantilisim, a tacâ dal XVI e fintremai al XVII secul (Fabian Ros, Indipendence)
      Sin. nassi , comparî
   3. vignî fûr o fâsi viodi in maniere sorenaturâl:  il diaul, par spaventâlu, i aparive sot forme di bestie feroce (Tarcisio Venuti, La fieste di Sant Antoni a Foran); sot sere al jare lât intun cjamp grant e i je aparide la Madone, che i veve dite che li e vevin di fâ une glesie (Popolâr - Istitût di Ricercje Achil Telin, Cussì e je nassude la glesie de Madone des Planelis - Friûl des Culinis I)
2. v.intr. vê un ciert aspiet dâ une cierte impression:  sul imprin no viodè anime vivint. Dut al taseve cidin. Dut al aparive sdrumât e subissât (Renzo Balzan, E jere une volte Buarte)
   Sin. imparêsi , parê¹
   
   1. fâ une cierte figure, jessi considerât intune cierte maniere:  i ministros da la imposture e pretendevin di aparî ministros di Dio. (Vincenzo Luccardi, Florean dal Palaç, II, 50)