Dizionari de Lenghe Furlane

parê bon    [AF]

1. loc.v. jessi biel di viodi:  "Oh! 'Sefine, ce ben metude che tu sês…" "No mo che o pâr bon?" (Pieri Somede dai Marcs, A la oselade); il tei plantât za grant si jere brincât a fuart a la tiere. Al veve cjapât ben. Al supave tal teren coltât e al pareve bon (Maria Forte, Il tei)
2. loc.v. jessi calcolât ben par ce che al tocje la oportunitât, la creance, la moralitât e v.i.:  ben, lassìn là, che no si pâr bon a fevelâ dai predis (Riedo Pup, Predis di ogni fate); une politiche linguistiche fate nome par parê bon, che e trate la lenghe tant che un simbul e vonde (Xavier Lamuela, Une riflession su lis politichis linguistichis)
   Cfr. confâ , confâsi , convignî , lâ ben

Components:

• bon adi., s.m., inter., av.
• parê¹ v.intr.

Proverbis:

• al è miôr jessi che no parê bon
• al pâr bon un vieli in cjase
• no i pâr bon la sclope al mus
• no stâ fâur ai altris ce che no ti pâr bon a ti
• se no ai reson, a sparagnâ la bocje o pâr plui bon
• su di un biel porton al pâr bon un biel batel