convignî
con|vi|gnî
[AF]
-
v.intr.
[CO]
lâ a cjatâsi intun stes puest:
sul sô prât e convignude dute la trupe (Pieri Somede dai Marcs, Sul prât Soreli)
Sin. finî
, lâ
, concori
, cjatâsi
Var. cunvignî
-
v.intr., v.tr.
jessi dacuardi cun cdn. altri:
"O conven cun te! I politics a jan ne pôre malandrete de veretât…" (Pieri Piçul, Vieri e gnûf);
"[…] cemût podevio jo convignî a lis tôs ideis?" (Ercole Carletti, L'amôr vieri)
Sin. acuardâsi
, cjatâsi
, conciertâsi
, concori
, concuardâ
, consintî
, incuintrâsi
, spartî
-
decidi insiemi cun cdn. altri:
al veve convignût cui siei oms che, dopo sei stâts sore lûc e studiât par ben la situazion, lôr a saressin tornâts in montagne di bessôi e che, cun lui, si saressin cjatâts al comant, tal doman di buinore (Roberto Ongaro, Il muc)
Sin. acuardâsi
, conciertâ
, conciertâsi
, intindisi
, restâ
, tratâ
-
ameti une realtât za presentade di altris o clare ancje a altris:
il matrimoni che si intint, o lu conven, a no si pues plui fâ (Costantino Smaniotto, Co l'amôr al cimie)
Sin. ameti
, ricognossi
-
v.intr.
jessi bon, zovevul, miôr:
«Cheste volte le vin cjapade tal comedon; nus conven cambiâ aiar, parcè che chei là sù no molin nancje se o crichìn!» (Josef Cjargnel, Atile a Aquilee);
"Si fermaressin ben, nô; ma l'è tart e nus conven profitâ di chest pôc di salustri" (Luigi Gortani, Al marcjât di Vile)
Sin. jessi miôr
, tornâ cont
-
compuartâ un vantaç economic:
i pesos si jerin svalutâts tanton e no convignive nancje plui dâsi cefâ par scuediju (Agnul di Spere, I prâts des Savodagnis)
-
jessi just o calcolât just daûr de morâl corinte, de opinion plui slargjade, dai judizis e prejudizis comuns:
none Catine mi meteve in vuaite: "No tu puedis lâ cuintri dal naturâl, bambine. Tu tu sês femine. Nol è nuie ce fâ. A ti ti convegnin lis pipinis, lis padielutis, il podinut…" Jo o menavi il cjâf ustinade (Gianni Gregoricchio, Trê feminis)
Sin. confâ
Proverbis:
- al conven vuardâsi plui dai ignorants che no dai birbants
- lis robis grandis a fâlis ben trop timp al conven
- prest e ben no si conven
- purcit di mulinâr, cjan di becjâr, fantate di ostarie no convegnin ogni massarie