intaiâsi
in|ta|iâ|si
[CO]
-
v.pron.intr.
(ancje fig.)
lâ indentri come un tai:
il riul si intaie tai crets
-
v.pron.intr.
(ancje fig.)
imparêsi cuntune forme ben definide:
al ricognossè il so profîl che si intaiave intune lacje di lûs cinise (Fabian Ros, Un piçul particolâr);
une man gropolose si jevà viars l'amont distudât e si intaià sul veri dal cîl (Dino Virgili, La aghe da pît la cleve)
Sin. risaltâ
, fâ spic
, spicâ
, dissegnâsi
-
cjapâ un contor definît, cjapâ ciertis carateristichis:
si intaiave une situazion che no mi plaseve par nuie (Adrian Cescje, Memoriis di politiche linguistiche)
-
v.pron.intr.
rindisi cont:
il barbe… Si è za intaiât che tu mi cjalis cussì… Bisugne che tu jal motivis (Dino Virgili, La aghe da pît la cleve);
il fi dal comandant i de di voli […] e i leve passant parmìs. Jê si ere intaiade […] e si tignive in bon (Catarine Percude, L'ucielut de Mont Cjanine);
la int, man a man che si dave dongje e e viodeve chês dôs a vaî cence une peraule, si intaiave di ce che al jere sucedût (Roberto Ongaro, Cretevierte);
Eliseo al si intaià subit che a fevelavin di lui (Carlo Sgorlon, Prime di sere)
Sin. acuarzisi
, inacuarzisi
, visâsi
, impensâsi
-
v.pron.intr.
dai cjavai, bati lis çatis devant une cuintri di chê altre intant che a corin:
il so brâf cjavalon fâs insielâ / chel cjaval gjenerôs che mai si intaia (Zuan Josef Busiç, La Eneide di Virgjili)