visâsi
vi|sâ|si
[FO]
-
v.pron.tr., v.pron.intr.
rindisi cont di alc:
la criùre e jere simpri fuarte, ma za si visavisi che lis zornadis a jerin deventadis plui lungjis (Carlo Sgorlon, Prime di sere);
dopo un pôc che a van sù, lui culì e jê culà a uns doi pas di distance, si visin che un om ur cjamine daûr (Meni Ucel, Misure);
doman o cjaparês lis lôr maledizions, cuant che [i fîs] si visaran che la ignorance e je la piês gjambadorie che un cristian al puedi vê su la strade de vite (Josef Marchet, Lis predicjis dal muini)
Sin. imparcevisi
, incjolisi
, indâsi
, indaviodisi
, intaiâsi
, nasâ
, rindisi cont
, impensâsi
-
v.pron.tr., v.pron.intr.
conservâ, tignî inte memorie:
tal orizont, in chê dì di Otubar, al stave rivant il temporâl. Mi visi come cumò (Checo Tam, La maree nere);
"Siôr paron, gjo, no mi cognossial?…: Agnul! no si visial di Agnul, dal prenar? …" (Riedo Pup, L'armistizi dal '16);
mi visi lis buinoris di Istât che si partive de place, il pan fresc cjolt tal for di Pistole, un bonodôr, un gust di vivi, ce mai cumò! (Alan Brusini, Come tai romançs)
Sin. ricuardâsi
, tignî ad a ments
, impensâsi
-
tignî te juste considerazion, dâ la juste impuartance:
"Bon, jo o soi un che si vise dai amîs! Va ben, ti fasarai rivâ par di là!" (Stiefin Morat, Donald dal Tiliment)
-
v.pron.tr., v.pron.intr.
dâsi un avîs, un avertiment, une informazion e v.i. un cul altri:
i cjistiei si visavin un cun chel altri se al jere cualchi pericul
Proverbis:
- cui che nol à dibisugne no si vise di nissun