ricuardâsi
ri|cuar|dâ|si
[FO]
-
v.pron.intr., v.pron.tr.
vê un ricuart, tignî te memorie:
la viele no rivave a pescjâ ben inte memorie par ricuardâsi di dut (Franca Mainardis, Il sium di Lissandri);
mi ricuardi benon, come se al fos îr, di chê frede matine di Invier a Zeà (Pieri Menis, Agnulat);
cumò no mi ricuardi il so non (Pieri Somede dai Marcs, La veretât e va ben simpri dite)
Sin. visâsi
, impensâsi
Var. recuardâsi
, racuardâsi
, raguardâsi2
, ravuardâsi2
, lavuardâsi
, revuardâsi2
, reguardâsi2
, riguardâsi2
, rivuardâsi2
-
vê presint tal pinsîr, te considerazion o ancje tai afiets:
si à di ricuardâsi che [tal 1916] la provincie di Udin, li che al è S. Vît, e je zone di vuere, e duncje la censure e i podês dal Comant dal esercit a son plui amplis (Donato Toffoli, Il lunari mai jessût - Tellini te prime vuere mondiâl);
o mi permetarês che di chest pulpit mi auguri che dopo tancj secui Diu si ricuardi di nô e nus dei cualchi moment legri (Francesc Placerean, Il nestri sant: patriarcje Bertrant)
-
vê la atenzion indreçade a alc:
"Va pûr cun Gjo: baste che tu ti ricuardis di no stâ masse" (Catarine Percude, Contents e malcontents)
Sin. badâ
, stâ atent
, viodi
, impensâsi
, visâsi