Dizionari de Lenghe Furlane

muse rote    [CO]

1. loc.s.f. mancjance di vergogne, di pudôr, di rivuart, capacitât di fâ o dî cence fastidis cualsisei robe:  cuintri di cheste debulece noaltris o scombatìn dopo incà, in dutis lis manieris, cu lis peraulis e cui fats: o cirìn di dismovi ta la anime de nestre int un fregul di sigurece, di francjece, di muse rote, un fregul di dignitât e di cussience etniche (Josef Marchet, Autonomie dal spirt); sintude la fantate a dî che propit no saveve dulà bati il cjâf par dâ dongje cuatri centesims, al ve subit la muse rote di dîjal, cemût che e varès podût fâ cualchi franc (Roberto Ongaro, Il muc)
   
   1. cui che al à chê mancjance di vergogne, di pudôr, di rivuart:  nol veve sudizion in nissun Slobar. Une muse rote (Maria Forte, Slobar)

Components:

• muse¹ s.f.
• rot p.pass., adi.