ilustrazion
/-òn/
i|lus|tra|zi|on
[CO]
-
s.f.
azion o ativitât di ilustrâ, di mostrâ, di fâ capî, di rapresentâ:
la slargjade des pussibilitâts di ûs dal furlan e la ilustrazion afetive e simboliche dal propri dialet a son obietîfs une vore diferents (Xavier Lamuela, La grafie furlane normalizade)
Var. inlustrazion
, lustrazion
-
s.f.
figure stampade tun libri o tune riviste, che in gjenar e à la funzion di rapresentâ o di fâ capî miôr ce che al è scrit tal test:
par podê mantignî lis promessis e dâ in ogni numar [di "La Patrie ladine"] bielis ilustrazions [...] (Achil Telin, La Patrie Ladine, I, 1);
passant lis pagjinis, si cjatìn intune sorte di viaç ator pal Friûl intai prins agns dal secul passât. Si trate di ilustrazions puntuâls e curadis (Gotart Mitri, La ultime fadie leterarie di Otto D’Angelo, pitôr dal Friûl)
-
s.f.
riviste cun predominance di figuris a pet de cuantitât di test:
cualchidune e passave lis cjartis di une ilustrazion di modis, clamant chês altris a viodi ce che i pareve plui impuartant (Josef Marchet, Lis predicjis dal muini)