ritrat
/-àt/
ri|trat
[AF]
-
s.m.
imagjin piturade, sculpide, fotografade e v.i. di une persone o ancje di plui personis, in particolâr de muse:
[il pitôr] mi mostrà i cuadris che al jere daûr a finî e al tornà a domandâmi di lassâmi fâ il ritrat (Roberto Ongaro, Cretevierte);
sul mûr son picjâts i ritrats di Marx e di Matteotti (Pieri Somede dai Marcs, Un pugn di moscjis);
«Milie, jo ti conti dut… ma tu âs di zurâ chi denant dal ritrat di nestre mari che no tu disarâs nuie a dinissun, par nuie di chest mont… zure, Milie…» (Pieri Menis, Si disarès che e je inventade)
Var. litrat
, retrat2
-
gjenar artistic de rapresentazion de persone, in particolâr de muse:
si viôt une fuarte paronance dal ritrat e dal paisaç (Bepi Agostinis, Storie de art in Friûl)
-
s.m.
(pop.)
fotografie di cualsisei sogjet:
un altri [turist] cul imprest di fâ ritrats, che al molave lamps ogni moment, di dutis lis bandis (Josef Marchet, Lis predicjis dal muini)
-
s.m.
(fig.)
descrizion di une persone o di un puest, di un acjadiment e v.i.:
za agn, un bon furlanat - Pieri Corvat - al à fate une pensade: di butâ jù in poesie il ritrat dal Cuarantevot furlan (Josef Marchet, Trombis e tambûrs)
Sin. figurazion
, fotografie
, piture
, profîl
-
s.m.
persone che e somee une vore cuntune altre:
il frut cui voi batistons, un ritrat spudât di so nono resurît tun cuarpesel tenarin e une musute tant biele (Dino Virgili, La aghe da pît la cleve)
Sin. compagn
, copie1
, figure
, fotografie
, imagjin
, spieli
, stamp
-
s.m.
idee imagjinade:
di lui, muart cetant timp prime che jo o fos nassût, mi jeri fat un ritrat vîf, come se al fos stât un di cjase nestre (Pieri Menis, Il miracul dal plevan di Trep)
Sin. idee
