piture
/-ù-/
pi|tu|re
[FO]
-
s.f.
art di rapresentâ cun liniis e colôrs:
da prinzipi favelavin di pitura. Il diau spiegava tantis cognizions in chista materia, che il pitôr stava sintîlu cu la bocja aviarta e gji contemplava la barba crodint di vê davant di se un Leonardo da Vinzi (Zuan Luîs Filli, Il diau sul Studeniz)
-
s.f.
complès des oparis pitorichis e stîl o maniere di piturâ di un timp o di un paîs, di une scuele o di un autôr e v.i.:
il Pordenon al à condizionât cu la sô grandece e cul so talent la piture furlane dal rinassiment (Bepi Agostinis, Storie de art in Friûl);
la piture di siôr Dree e jere une piture che, a la scuele di Parigji, a la sô ligrie di colôrs, al so romantic sotfont e misturave la passion che ogni furlan al à pe sô tiere (Roberto Ongaro, Cretevierte)
-
s.f.
singule opare pitoriche:
sot de loze dal vecjo municipi a jerin bielis pituris di cinccent agns indaûr (Pieri Menis, Lis leiendis di Buie);
[Giuseppe Zigaina] al presente tes sôs pituris une nature traviersade da presintiments misteriôs (Bepi Agostinis, Storie de art in Friûl)
-
s.f.
(fig.)
descrizion une vore marcade e rapresentative:
une piture comovente di une des partencis e rive de pene dal scritôr triestin Giani Stuparich, intun articul dal "Corriere di Trieste" dal Avost dal 1955 (Francesco Fait, La emigrazion in Australie dal Friûl - Vignesie Julie);
za al anunzie gloriôs ae compagnie / del salam la vignude par pospast / salam scuisît che si po dai del vô, / salam… ma ecolo in taule in statu quo. / Ven la aghe in bocje a ducj i comensâi / nel sintî ste vivissime piture (Pieri Çorut, Il salam di siôr Tomâs)
-
s.f.
sostance doprade par colorâ une superficie:
un seglot di piture blancje
Sin. colôr
, vernîs ipon.
Proverbis:
- stuc e piture fâs biele figure