letare
/lè-/
le|ta|re
[FO]
-
s.f.
segn scrit che al rapresente un sun de vôs:
i à volût tant timp par imparâ i numars e lis letaris dal alfabet (Pieri Somede dai Marcs, Il gno prin mestri);
ogni tant al lave in cimitieri a meti cualchi rose di prât su lis tombis dai siei. Une domenie al puartà ancje un bussulotut di vernîs nere par ripassâ lis letaris discoloridis dai nons (Carlo Sgorlon, Prime di sere);
il dizionari etimologjic storic de lenghe furlane (Desf) […] al è restât fer dal 1984 incà ae letare E (Adrian Cescje, Memoriis di politiche linguistiche)
Sin. caratar
Var. letire
Cfr. grafeme
-
s.f.
(fig.)
tal pl., il savê lei e scrivi:
le veve mandade a scuele là di siore Fauste la Blandine, che e tignive dongje lis fiis dai bogns parons e lis sgresave un pôc su lis letaris (Maria Forte, Cjase di Dalban)
-
s.f.
comunicazion scrite, cuntun test plui o mancul lunc, che si da al destinatari o che plui dispès si mande:
Gaspar a i mandava, na volta al meis, una letara, che i la consegnava al cjaradour che al faseva la volta tra la vila e Triest (Novella Cantarutti, Li Anzuliti);
in vuere, Tilio i à scrit a mê none Teresine, come che i veve prometût, ma mê none no à cjapadis lis letaris, par vie che cualchi femine dal pais, invidiose dal lôr amôr, no jes à fatis rivâ (AAVV, Sul florî)
Cfr. telegram
, messaç
, mes1
, pueste
-
s.f.
tal pl., culture umanistiche, ancje tant che insegnament e facoltât universitarie:
jo o soi un puar om cence letaris e cence scuele, che o ai scugnût tacâ di dîs agns a cuistâmi la bocjade (Josef Marchet, Lis predicjis dal muini);
Mauro Tosoni, insegnant di letaris e gjornalist (al direzeve il periodic In Uaite) (Max Mauro, Un Friûl difarent: i 90 mhz di Onde Furlane);
Eve e saveve pôc e nuie di lui. Padue, la universitât, la facoltât di letaris antighis, la rivoluzion dai students (Carlo Sgorlon, Ombris tal infinît)
Sin. leterature
Polirematichis e espressions idiomatichis
Proverbis:
- dutis lis letaris no van a la pueste, dutis lis peraulis no mertin rispueste
- letare scrite e je mieze spedide
- scrite la letare, cjatât l'incuintri
- se intor al svolete un avon: o letare o paron