mes1
/-è-/
mes
[BF]
-
s.m.
persone che e puarte messaçs, comunicazions, avîs e v.i.:
mi imagjinavi di ricevi un mes mandât di jê par puartâmi in pegn une robe sô (Carlo Sgorlon, Il dolfin);
il sisteme di mansiones e mutationes al jere stât prontât in origjin pal cursus publicus, di mût di dâur ai mes imperiâi cambis di cjavai regolârs e un puest di mangjâ e di durmî (Mirta Faleschini, Stefano Magnani, Aldo Candussio, Gaetano Vinciguerra, Protostorie e storie romane in Friûl);
ve, jo o mandi il gno mes denant di te, che al prontarà la tô strade (Antoni Beline (trad.), Vanzeli di Marc)
Sin. cursôr
, messazîr
-
s.m.
(ancje fig.)
comunicazion, informazion o istruzion o sim., mandade o cjapade:
ai ricevût un mes cheste matine / cun dei ordins secrets (Pieri Çorut, Il Strolic furlan par l'an 1852);
jê e mande un mes a so pari par che al vegni a cjolile (Andreina Nicoloso Ciceri, I trê cjadreons - Racconti popolari friulani I)
Sin. messaç
-
s.m.
robe di fâ, par incaric o par vocazion:
jo o ai fat il mes e cumò che al viodi lui (Antoni Beline, Siôr santul)
Sin. comission
, mission
Proverbis:
- cui che nol vûl che al mandi mes, cui che al vûl che al ledi stes