cursôr
cur|sôr
[CO]
-
s.m.
impleât public incjariât di puartâ notificazions, messaçs e v.i.:
"Toni, al è culì il cursôr cuntune cjarte" (Pieri Somede dai Marcs, La buteghe dal barbîr);
siôr Talico al començà a zigâ cuintri dal cursôr che si intardave simpri par strade, a bevi il tai, e invezit al jere li daûr la puarte a spietâ ordins (Dino Virgili, La aghe da pît la cleve);
Vigji cun tancj agns che al bateve la taviele e i paîs dal Comun, fasint ancje il cursôr, al cognosseve i nons di ducj (Lucio Perès, Vigji il vuardian)
Sin. mes1
-
s.m.
[TS]
mec., tecn.
part mobile di cierts imprescj o aparâts
-
inform.
segnâl luminôs mobil che al evidenzie suntun videoterminâl il pont dulà che al saltarà fûr il caratar che al vignarà cjalcjât