mission
/-òn/
mi|ssi|on
[AF]
-
s.f.
il mandâ o il sei mandât li di cdn. par fâ une funzion impuartante, speciâl e v.i. e la funzion stesse che si à di fâ:
Cavedalis al le par tant a Mestre cun Medin e Priuli e al si incuintrà cul gjenerâl Gorzkowsky. Ma cheste prime mission no concludè nuie, par vie che lis cundizions proferidis dai todescs a jerin masse duris (Giovanni Pillinini, Zuan Batiste Cavedalis - Une vite esemplâr)
-
grup di personis che a van o che a son mandadis a fâ une funzion impuartante:
une comission internazionâl di esperts costituide de Agjenzie internazionâl pe energjie atomiche di Viene (IAEA), di acuardi cul guvier gjaponês, e à inviât une mission a Fukushima (Alessandro Pascolini, Il disastri de centrâl nucleâr di Fukushima Dai-ichi)
-
s.f.
azion organizade e complès di personis e struturis impegnadis intune azion organizade cuntun caratar militâr, esploratîf, sientific, umanitari e v.i.:
te prime mission, di Brazzà al traviersà i altiplans che a disseparin il bacin dal Ogooué dal Congo e al esplorà il bacin superiôr des aghis Alima e Licona (Mariangela Toppazzini, Il "concuistadôr" pacific)
-
s.f.
trasfierte di un dipendent par cont di un ent public o di une aziende privade
-
s.f.
il lâ o il mandâ cdn. a slargjâ il messaç religjôs:
al è stât let il Vanzeli, che al fevele de mission dai apuestui, juste tal toc che Jesù, dopo che al jere risurît, ur dîs: "’E cumò lait par ducj i sîts dal mont […]" (Renzo Balzan, Messe grande pai mus);
a 56 agns, pre Juchin al scuvierzeve di vê la vocazion pes missions, al saludave la int e al partive pal Brasîl (Antoni Beline, La fabriche dai predis)
-
complès personâl impegnât a puartâ il messaç religjôs, soredut in paîs puars, e des struturis fatis par compagnâ chel messaç cun azions di istruzion e caritât:
la fedeltât e la gjenerositât di tantis personis a fasin in mût che il calendari al puarti ogni an un aiût concret intes Missions in Benin (Grop amîs di Pre Toni, Facebook)
-
s.f.
azion e finalitât che si cjape sù cun impegn:
il centri de mission de gnove radio al jere chel di dâi ricognossiment al furlan, viodût tant che la lenghe dal popul cuintri de lenghe dal podê (Max Mauro, Un Friûl difarent: i 90 mhz di Onde Furlane)