spie1
spi|e
[AF]
-
s.f.
cui che al cîr di scuvierzi informazions segretis o risiervadis e che dopo lis fâs savê a altris che a àn interès di savêlis:
cui no disevial che il Vatican al voleve la vuere e che al veve lis sôs spiis pardut? (Pieri Menis, Sul agâr);
in chei moments nissun si infidave des peraulis, cun tantis spiis fassistis che a jerin pal mont (Roberto Ongaro, Il muc);
za agns prime spiis industriâls i vevin gjavât sot dal nâs e brevetât une sô invenzion (Spirt Anonim, Codiç)
Sin. spion
Cfr. referendari2
-
s.f.
piçule buse che e permet di cjalâ cence jessi viodûts o di tignî controlât un sisteme, un aparât e v.i. cence vierzilu e cence mudâ il so funzionament:
[l'oseladôr] te casopute de "traviarse" al veve la sente, denant di une spie tal mûr (Maria Forte, Cjase di Dalban)
Cfr. spiarole
-
s.f.
dispositîf che al segnale un funzionament o une cundizion, soredut tun machinari:
la spie rosse de telecjamare (Jan Toti, Il Paron(i) des telecjamaris)
-
s.f.
(fig.)
cualsisei element che al fâs capî une realtât, un fenomen:
la lenghe in sumis e je la spie fedêl di dute la anime, sedi di une persone, come di un popul (Josef Marchet, Un element fondamentâl dal moviment autonomistic);
cualchi lagrime intant sbrissave fûr, spie del sentiment, del amôr inocent (Pieri Çorut, Zoventût e Primevere)
Sin. indizi
, jenfrisegn
, manifestazion
, segn
, segnacul
, simbul
, sintom
, prove1
-
s.f.
(fig.)
cuantitât minime:
no si viodeve une spie di lusôr di nissune bande (Pieri Menis, Sul agâr)
Sin. segnâl
, jenfrisegn
, fregul
, fruçon
, tic1
, tinin
, tininin
