un pôc
[FO]
-
loc.pron.
un ciert numar, une cierte cuantitât indefinide o moderade, sedi di elements o entitâts che a son dits a clâr, sedi che si capissin dal contest:
la famee si tire a durmî. Un pôc di timp dopo ducj ti duarmin (Dolfo Zorzut, La furlane);
il princip che al veve cjapât simpatie tal gnûf amì lu pree di stâ cun lui un pôcs di dîs (Andreina Nicoloso Ciceri, I trê cjadreons - Racconti popolari friulani I);
no i restave nancje un carantan par comprâsi un pocje di blave pe polente (Pieri Somede dai Marcs, La spiarie);
la veretât e je che ogni popul al crôt di jessi il miôr tal mont. Lis resons a son tantis, un pocjis si puedin capî studiant a ce nivel che si insedin intal cerviel lis memoriis di cuant che si è fruts (Franc Fari, Il cjâf dai furlans)
Sin. un tic
-
loc.av.
in misure, cuantitât, intensitât e v.i. indefinide o moderade o bondante:
in chel puest a si distache de strade maestre un troi, un pôc discomut se si vûl, che in cuatri salts al mene sù al paîs (Luigi Gortani, Il matescul di Cjabie);
"O no stait a tirâ fûr la solite solfe cumò, se o no volês fâ capî che o sês un pôc bruntulon!" (Anute Fabris, A passe la scalmane);
e sintive che la colpe e jere stade un pôc ancje sô (Maria Forte, Dome la cjampanute di Sant Bortul)
Sin. un tic
, pitost
, pluitost
, alc
-
par introdusi une cierte someance:
tornâ cussì ae tiare, Guri, dopo tant, al jere un pôc tornâ indaûr tal timp (Dino Virgili, La aghe da pît la cleve)
-
loc.pron., loc.av.
ancje par formâ costruzions corelativis o distributivis:
la vilie di Nadâl dal '16… O jerin sul Trentin: un pôcs ca e un pôcs là, tes busis. Pantan, frêt, fam, pedoi (Riedo Pup, L'armistizi dal '16);
chei agnuluts inocents che jerin sparniçâts un pôc pardut, sui sufits, sui altârs, sù pai mûrs (Zuan Lurinçon, La Madalene)
Sin. alc
, ce1
, un tic
Components:
-
pôc
adi.indef., pron.indef., s.m., av.