baghe
ba|ghe
[CO]
-
s.f.
recipient par licuits, pal solit aghe o vin, fat di piel di cjavre:
ogni tant al cjucjave tal pipul di une baghe di vin (Dino Virgili, La aghe da pît la cleve);
«Ind volêvo?» «Di ce?» «Vin.» L'om al veva na baga sglonfa, Ruâl al la palpà a scûr: «I dropais inmò la baga! Uchì da nô a na si 'nd jôt pi.» (Novella Cantarutti, Sì che i vevi na marosa)
Sin. agan
, ludri
, cjavruç
, botri
-
s.f.
(fig., scherç.)
cui che al à il vizi di bevi tant, soredut cui che al rive a bevi tant cence incjocâsi
Sin. cjochele
, gorne
, plere
, bevaçon
, caratel
, bevon
, cjucjon
, çumbon
-
s.f.
(fig., spres.)
panze grande e grasse o persone che e à une panze grande e grasse:
se baga che al à chel om! (Rossella Facchin, Aggiunte al Nuovo Pirona);
i vegnin i sgrisui a viodi rivâ dongje cierts panzons moladiçs […]. Par lui chês baghis no àn il derit di meti pît te Clape (Sergio Cecotti, Il President)
Sin. barcje
, balon
, bale
-
s.f.
[CO, TS]
mus.
sac di piel che si sglonfe cul aiar che dopo al jes pes pivis
-
strument cuntun sac di piel di piore li che si sofle dentri aiar, che dopo al ven fûr par plui pivis:
a saressin robonis bielis di contâ [de Galizie]: il vert dal paisaç, la ploie, il soreli, il bon odôr dal ocean, la maiestât de Catedrâl, il sun des baghis (Pier Carlo Begotti, De cueste atlantiche al Friûl)
Sin. cuarnamuse
, pive
, totorosse
-
s.f.
[TS]
agr.
sorte di zei di dovis, par meti la ue:
prime da tirâ la ue a si meteve a sfonzeâ brentes, caratei e baghes (Gianni Colledani, A fulgure et tempestate…)