caratel
/-èl/
ca|ra|tel
[AF]
-
s.m.
recipient di dovis par licuits, in gjenar plui piçul de bote:
netâts i caratei de gripule, solfarâts come che al va, al travasave il blanc e il neri (Alan Brusini, Come tai romançs);
un caratelon di bire al vignive spinât alì, ducj a cjapâ di bevi cence misure (Pieri Menis, Une letare par Bepo);
al ere tal caratel a folâ, cui bregons tirâts sù fin parsore dal zenoli (Antoni Beline, La fabriche dai predis)
Cfr. barîl
, bote2
, botesele
, vassiel
, brentiel
, brente
, tinaç
-
cuantitât di prodot che e je contignude in chel recipient:
Bepo i veve domandât: "Trope bire spacistu tune dì? " E chel altri i veve dite un caratel (Alan Brusini, Amîs come prime)
-
(fig.)
grande cuantitât di licuits, spec. di robis di bevi alcolichis:
ce vergogne une sere che lu menarin a cjase cu la plombe di un caratel (Maria Forte, La tiere di Lansing);
al sglavinave a caratei (Alviero Negro, Zuantoni il cjargnel)
-
s.m.
(fig., scherç.)
cui che a à il vizi di bevi, cjochele:
svergonziti, i disè, va là a durmî, / caratel ambulant (Pieri Çorut, La cjoche)
Sin. plere
, baghe
, gorne
-
s.m.
(fig., scherç.)
panze, soredut grande:
"O soi stât a Montecatini a resentâ il caratel" (Riedo Pup, Moris di baraç - Il Strolic furlan pal 1962)
Proverbis:
- no si po vê il caratel plen e la massarie cjoche
- no si po vê la femine cjoche e il caratel plen