bote2
/-ò-/
bo|te
[CO]
-
s.f.
recipient fat cun dovis di len tignudis di cerclis di metal e sierât cun doi fondei taronts, doprât par conservâ e puartâ licuits o altris prodots:
al lavorà dut il dì ca dal ustîr a resentâ botis e damigjanis (Carlo Sgorlon, Prime di sere);
a davin une buine glutade di vin di chel bon e fresc di bote fat tal vignâl di cjase, che ur dave un bon spirt e ju meteve in vene di fevelâ (Pieri Somede dai Marcs, Il tinel);
a jerin botis di vin sul prât a vendi, cui bocâi in rie su la bree e barachins di sagre (Dino Virgili, La aghe da pît la cleve)
Cfr. barîl
, vassiel
, caratel
, dove
, cercli
, spine
, cjalcon
, fonts
, sieste
, siestadure
Proverbis:
- l'om al cjante cuant che al è plen e la bote cuant che e je vueide
- la bote e da di chel savôr che e à
- lis botis no colin mai dutis intune volte
- miôr bevi une bote che no spandi une gote
- si cjape plui moscjis cuntune tace di mil, che no cuntune bote di asêt
- un cont cence contâ al è come une bote cence cerclâ