Dizionari de Lenghe Furlane

gorne  /-ò-/  gor|ne  [AF]

1. s.f. condote semicilindriche, in gjenar di metal, che e cjape la aghe ploiane di un cuviert e le mene jù par un canon verticâl par che no stricei:  al sglavinave a selis cun saetis osteosis par dutis lis bandis e brusate che cinglinave sui veris e tes gornis (Alan Brusini, Il malât di Cime Undis); sot la ploie che cjante pes gornis sence fin (Ercole Carletti, Mi plâs la lontanance e il no rivâ...); la Primevere e torne / [...] / [...] / [...] / clame la cisilute sot la gorne (Enrico Fruch, Antigaiis)
   
   1. [TS] tecn. condote, ancje di len, che e indrece la aghe dal mulin
      Sin. canâl
2. s.f. [BF] part largje e un pôc ingjavade dal cjapiel:  duta una ploa [di pulcris] da implenâ li sacheti, la cjamesa, la gorna dal cjapelat (Novella Cantarutti, "Inemorato io son di te")
   Sin. ale
3. s.f. (fig.) cuel di cui che al bêf, soredut alcolics:  cun chês gornis, il caratel al fo disvuedât intun moment e ognidun si invià pai siei fats (Pieri Menis, La gjaline robade)
   Cfr. gargat
   
   1. cui che al bêf une vore di alcolics:  ta la ostarie a bevi e bevi, gornate, pacjoc, simpri madûr (Garibaldi Delli Zotti, Vigji dal çoc)
      Sin. cjochele , bevaçon , plere , baghe , caratel , bevon , cjucjon , çumbon

Polirematichis e espressions idiomatichis

• a gorne loc.av.
• onzi la gorne loc.v.