fros
/-òs/
fros
[AF]
-
s.m.
piçul fust di jerbe o di paie:
a vevin semenade la jerbe pôcs dîs prin e i fros verts tenars a parevin ducj compagns e drets (Agnul di Spere, Fieste di inaugurazion);
l'om al spacà la camisole par parâ jù fros di soreâl tacâts intor (Maria Forte, La tiere di Lansing);
une bugade di aiar rabiôs al alçà sù par aiar une trombe di fueis e di fros puartantju vie cui sa dulà (Pieri Menis, Sul agâr)
Cfr. brusc1
, bruscjete
, frust2
, paie1
, fîl
-
(fig.)
in riferiment ae espression dal vanzeli, difiet piçul rispiet a une pecje une vore grande:
ma ben a si è necuarta chê brava int / che a va a cerî tal to voli il fros / par discjamâ - se a riva adora - / la trâf dal so ingòs (Giorgio Ferigo, Chel che al impiava fûcs);
i furlans a viodin il fros tal voli dal triestin, ma no il trâf che a àn tal lôr! (Enos Costantin, Fevelâ par furlan)
-
(fig.)
robe di nuie:
al è avonde che i passi un fros sot dal nâs par butâmi cuintri un ledan di peraulis sporcjis (Maria Forte, Varc di confin)
-
s.m.
piçul cilindri lunc e fin, vueit, fat di diviers materiâi, par supâ robis di bevi:
o cjalavi i siei lavris che a si strenzevin come tune bussade cjucjant la bibite cul fros (Alan Brusini, Gian Paolo Linda, I forescj)
-
s.m.
(fig.)
in comparazions o metaforis, persone une vore magre:
un om mingherlin come un fros (Bepo Brucje, Parê nol è jessi)
Sin. canocje2
, secandul
, smenglât
, spiron
, stec
, bachet
Proverbis:
- dulà che nol rive il len nol rive il fros
- ogni fros la sô ombrene, ogni om il so difiet
- ogni fros o vin la nestre ombrene