Dizionari de Lenghe Furlane

stec  /-è-/  stec  [AF]

1. s.m. ramaç piçul o toc avonde curt e sutîl di ramaç, soredut sec:  I pareve di viodi spirts, magos, striis… A ogni cricâ di un stec pescjât, a ogni svolt fra i ramaçs, a ogni bave di aiar che e ves businât tes pontis dai pins, il cûr i saltave in bocje (Pieri Menis, Tal bosc di Kebespok); e butà une grampe di stecs e manei sul fogolarut (Pieri Somede dai Marcs, Il tinel)
   Sin. bachet
2. s.m. [TS] agr. pît di blave, o in câs di soròs o altris grans, che al reste dopo taiade la gjambe
   Sin. clari , coni , stoc¹ , stecon , bersoli , scjatoc , scjaton , mussul³ , steule , stronc , stecaron , stecarot , stecheot , scjatùs , poc² , cjanoli , civoc , torcjoli
3. s.m. (fig.) persone une vore magre:  puar, al è ben sec. / Al è ridot un stec (Pieri Çorut, Il Strolic furlan par l'an 1821)
   Sin. fros , bachet

Polirematichis e espressions idiomatichis

• lâ sù pal stec loc.v.
• meti un stec loc.v.

Proverbis:

• se no passe, metii un stec a la volte
• un gjave, un met e un sù pal stec
• une gjave, une met, une picje sù pal stec