paie1
pa|ie
[FO]
-
s.f.
fros sec, e soredut tal coletîf cuantitât di fros secs, di forment, siale, vene e altris grans:
passant dongje lis trebiis Eliseo al viodeve lis filis dai cjars che a spietavin la volte, e chei che a lavin vie cui sacs sglonfs e lis balis di paie (Carlo Sgorlon, Prime di sere);
[I jets] no àn nancje stramaçs e si duar intun piç di paie e un rizîr di cimis pardut (Ivano Urli, Storie di Min)
Cfr. stran
, soreâl
, mangjadure
, paianûl
, sarasinace
, sclaussons
-
fros sec di cualsei jerbe
-
s.f.
materiâl fat di fros taiâts, suiâts e tratâts:
l'aiar i robave a mê mari un cjapielut di paie che e screave e sal puartave vie lontan su lis ondis (Alan Brusini, Come tai romançs);
a fasevin un biel viodi la panarie, i cjadreons cu la paie che e lusive come l'aur e un grant cjavedâl (Pieri Somede dai Marcs, Pre Josef)
Sin. stran
Cfr. lescule
, palût
-
s.f.
(zerg.)
spagnolet di mariuane:
fumant une paie voi ator, no sai ce che a 'nd ai tal cjâf (Raff BB Lazzara, Zâl (Amarillo))
Polirematichis e espressions idiomatichis
Proverbis:
- cui che al mangje la semence al cjie la paie
- cul timp e la paie si madressin i gnespui
- no stâ meti la paie dongje dal fûc
- o di paie o di fen bisugne che si jempli il magazen
- Sant Pauli lusint, tante paie e tant formint