Dizionari de Lenghe Furlane

gale¹  ga|le  [AF]

1. s.f. forme di leâ alc che e fâs che il zîr di cuarde o di ce che si lee, se si tire si strenç:  "Cheste insolence ti costarà la forcje, galiot che no tu sês altri!" "Se ancje o ves di cjatâmi cu la gale tal cuel, no tu sarâs li a gjolditi il spetacul." (Carli Pup, Tal mieç dal vât)
   Cfr. grop
2. s.f. forme di leâ cuardis, cordons, curdelis e v.i., che e lasse cierts zîrs avonde larcs, soredut par bielece:  [pe nassite di Loris] al picjà su la puarte abàs une grant gale celeste (Dino Virgili, La aghe da pît la cleve); mi àn fate cjatâ su la catedre une scjate. Le vevin involuçade cu la cjarte colorade e peade cuntune gale di arint (Gianni Gregoricchio, Trê feminis)
   Sin. floc¹
   
   1. struture, forme, disposizion e v.i. che e vedi zîrs, cerclis o sim.:  al dispicjà dal ramaç i imprescj, al sielzè un biel puestut sul cei de strade e al començà a bati jù lis batadoriis fin che la cjavile sot de gale e jere dute sprofondade tal teren (Riedo Pup, I furlans e la creance)
3. s.f. forme di vistîsi une vore elegante:  siôrs e sioris e jerin in grant gale (Catarine Percude, Il solt del Signôr); son dôs oris che al bale / vistût in dute gale (Pieri Çorut, La rassegne)
   Sin. lus¹ , bon ton

Polirematichis e espressions idiomatichis

• di gale loc.adi., loc.av., loc.adi.inv.
• lâ di gale loc.v.
• metisi in gale loc.v.