statue
/-à-/
sta|tu|e
[FO]
-
s.f.
opare di sculture:
la statue crisoelefantine di Zeus Fidie al scomençà a costruîle a Olimpie daspò dal 432 (Adrian Cescje, Viaç aes origjins dal Logos);
la statue de Justizie, che cumò e je a Udin in place Vitorio, che e ven clamade «Marie Luigje», e jere a Buie intal lûc clamât «Locum Iustitiae» (Pieri Menis, Lis leiendis di Buie);
e passave la procession cu la statue de madone (Mario Beltramini, Jo e Graziella);
e cjalà a planc ancjemò une volte une par une lis statuis dai sants, metudis in file sul ôr dal cuviert de basiliche (Agnul di Spere, Te grande place)
-
s.f.
in paragons o metaforis, par dî cui che al sta fer imobil, cence dî o fâ nuie:
jê no smontave dal so caregon: une statue vive! (Pieri Menis, Agne Ursule);
le saludi e jê no mi rispuint e mi cjale saldo, ferme e dure come une statue (Alan Brusini, Gian Paolo Linda, I forescj)
Sin. pâl
-
s.f.
[BF]
(meton.)
piçule costruzion votive, viôt ancone