zimul
/zì-/
zi|mul
[CO]
-
s.m., adi.
cui che al è fradi di cdn. altri che al è stât gjenerât te stesse gravidance e che al è nassût tal stes part:
Anzulin e 'Sefin a jerin doi zimui ; nassûts e cressûts simpri insiemi: a cjase, a scuele (Tarcisio Venuti, La cjase di Toni);
i domandavi di gno barbe Meni, zimul di gno pari (Gianni Gregoricchio, Trê feminis);
si è sposât e al à vût dôs frutis zimulis (Cristina Noacco, Faliscjis)
-
s.m., adi.
robe o persone che e je o che si pues considerâ dal dut compagne di une altre:
la glesie dai Sants Pieri e Pauli, cu lis puartis cui leons e i tors zimui (Checo Tam, Praghe, "mater urbium")
-
adi.
che al è formât di doi elements, che al à dôs parts o dôs estremitâts compagnis:
une barbute zimule (Maria Forte, La cjase dal Murat)
-
s.m.pl.
[CO, TS]
astron., astrol.
cun iniz. maiusc., costelazion e segn zodiacâl, jenfri il Taur e il Gjambar:
Durante Alighieri al nas a Florence intal 1265, ancje se no savìn la zornade precise, sot dal segn astrologjic dai Zimui (Angelo Floramo, La grandece di un autôr universâl condanât al esili par simpri)
-
s.m.inv., adi.inv.
che, cui che al è nassût sot di chel segn zodiacâl, jenfri i 21 di Mai e i 20 di Jugn:
no stait a maraveâsi se dispès i zimui no van propite dacuardi cu la belance (Bete di Spere, Zodiac furlan. Zimui)