Dizionari de Lenghe Furlane

palomp  /-òmp/  pa|lomp  [CO]

1. adi. dal forment e di altris grans, di colôr une vore clâr, tipic di cuant che i grans a son madûrs:  il forment palomp al vongolave tant che une code di cjaval te taviele (Domeni Zannier, La crete che no vai); al cuzie lis mans il forment palomp sgrisulât di barburice e insanganât di confenon (Dino Virgili, La aghe da pît la cleve)
   
   1. ancje di altris robis, di colôr une vore clâr:  Berton de Rosse, un omenon di scusse palombe, che al veve la malatie de sflacje e si poiave saldo al lement, e nol rivave a cuminâ nuie di nuie (Maria Forte, La tiere di Lansing)
2. adi. di gran e ancje di ue, soredut blancje, e in câs ancje di altris pomis, dal dut cressût e complet, madûr:  […] e sù pe vît / je la ue cuasi palombe che pendole (Fabio Simonutti Masolini, No si po gjavâ sanc di un mûr); cuant che i bagjigjis a erin palomps al scrupulave che no finìs la guere juste in chel, di scugnî magari lâ vie e lassâ i bagjigjis in Rodesie sul plui biel (Ivano Urli, Nella casa di faccetta nera)
   Sin. madûr , fat¹
3. adi. (fig.) di situazion, circostance e v.i., che e je pronte par sucedi o pal davuelzisi di cierts acjadiments:  un fat che prime o dopo al scugnive capitâ; al jere palomp (Riedo Pup, Portus Naonis docet)
   Sin. pront , just , madûr
4. adi. (fig.) che al à bevût masse alcolics e che al è sot dai efiets dal alcul, ancje dongje di altris adietîfs cul stes significât, par rinfuarçâju:  la sere al tornave a cjase simpri palomp, misurant la strade a svarcs (Gjovanin Falescjin, Meni)
   Sin. becât , becât sot di une ale , bevût , çurul¹ , grîs , imbarlumît , impiât , implombât , incarburât , incerât , intrunît , invreasât , legri , ligrut , muardût dal cjan neri , plen , pontât , pontât sot di une ale , taront , ticât , vuitul , madûr , çurulît , inçurulît
5. adi. (fig.) che al à fat sfuarç e al sint une vore di fadie, ancje dongje di altris adietîfs cul stes significât, par rinfuarçâju:  e plombave intal sium since visâsi, strache palombe ma cu la anime in pâs cui vîfs e cui muarts (Nin dai Nadâi, La cjase blancje)
   Sin. stracuet , strac , cuet¹ , scanât , acanât , discunît , stracât , disfat , madûr